Er að fara aftur til usa á eftir, annað
skiptið á innan við viku. En það er náttúrulega bara gaman, er
nú ekkert að kvarta. Annars er allt bara í góðum gír, bara búin
að vinna mikið og held áfram að gera það. Svo er týpískt að allt
gerist á sama tíma. Erum boðin í tvöfalt þrítugsafmæli um
helgina og það er hárkollu og búininga þema. Sama kvöld erum við
að fara á Árshátíð hjá Peter á Selfossi og daginn eftir er ég
til vara í vinnunni! Er ekki ennþá búin að redda því, en það
kemur í ljós.
Við erum nú búin að bóka öll flugin okkar í
ferðinni í kringum hnöttinn og búin að borga svo að við erum að
fara!!!!! Nú erum við að stúdera hvern stað fyrir sig, panta hótel
og bíla og fleira. Skemmtilegustu fréttirnar eru samt þær ða við
munum verja jólunum í faðmi fjölskyldumeðlima í Ástralíu. Vikký
frænka og fjölskylda sem býr þar eru búin að bjóða okkur að vera
hjá sér. Sem er bara gaman og geðveikt. Maður verður sem sagt að
grilla humar í sumarkjól um jólin. Absúrd!
Við endum svo ferðina í Austurríki á skíðum, ef
að maður ætlar að gera þetta á annað borð verður maður að gera
þetta almennilega! Það verður fáránlegt að fara úr allri sólinni á
skíði! Fjölskyldan hans Peter er nú þegar farin að hlakka til að fá
okkur. Peter verður kannski aðeins lengur en ég, enda bara fínt
eftir að við verðum búin að vera límd saman í 4 mánuði.
Ef að þið þekkið einhverja snyrtipinna sem að
vantar íbúð með öllu í 4 mánuði þá endilega sláið á þráðinn til
okkar.
Úpps, verð að þjóta til Boston
Lindsey